என்றால் என்ன?
TopWeb.LK என்பது மாதாந்தம் விருது வழங்கும் ஒரு திட்டமாகும், இதுனூடாக BestWeb.LK போட்டியில் நம்பிக்கையுடன் போட்டியிடும் திறனை உங்களுக்கு வழங்கும் அதே வேளையில் உங்கள் இணையதளத்தை சிறந்த நிலையிலிருந்து அதி சிறந்த நிலைக்கு கொண்டு செல்லும் வாய்ப்பையும் வழங்குகிறது.
இந்த விருதின் நோக்கமானது அனைத்து .Lk இணையத்தளங்களின் தர நிலையையும் குறைந்தபட்ச தரத்தை பூர்த்தி செய்யுமளவுக்கு உயர்த்துவதாகும். LK டொமைன் ரெஜிஸ்ட்ரியால் இயக்கப்படும் இந்த விருதுத் திட்டமானது, உங்கள் இணையதளத்தின் தரத்தை மதிப்பிடுவதற்கும் மேம்படுத்துவதற்கும் உங்களுக்கு தொடர்ந்து வாய்ப்புகளை வழங்குவதற்காக மாதந்தோறும் நடத்தப்படுகின்றது.
TopWeb.LK
போட்டியில் நீங்கள் ஏன் பங்கேற்க வேண்டும்?
- TopWeb.LK இப்போது BestWeb.LK 2025க்கான திறவுகோலாக காணப்படுகின்றது. இனி, BestWeb.LK போட்டியில் பங்கேற்கும் ஒவ்வொரு இணையதளமும் TopWeb.LK சின்னத்தைப் பெற வேண்டும்.
- உங்கள் இணையதளத்தில் உள்ள பாதிப்புகள் மற்றும் அவற்றை மதிப்பிடுவதற்கான வாய்ப்பைப் பெறுதல்.
- விண்ணப்பதாரர்கள் குறைந்த செலவில் பாதுகாப்பு ஸ்கேன் (security scan) செய்து கொள்ளத் தகுதியுடையவர்களாவர். அத்தோடு அவர்கள், சிக்கல்களை சரி செய்வது தொடர்பான ஆலோசனைகளையும் பெறுவார்கள்
- நீங்கள் சின்னத்தை வென்றாலும் இல்லாவிட்டாலும், உங்கள் தளத்தை எவ்வாறு மேம்படுத்துவது என்பதற்கான வழிகாட்டுதலுடன் கூடிய விரிவான அறிக்கையை பெறுவீர்கள்.
- எவ்வாறு சிக்கல்களை சரிசெய்து அடுத்த விருதுக்காக மீண்டும் விண்ணப்பிக்கலாம் என்பன தொடர்பான ஒரு வலையரங்கில் (webinar) கலந்து கொள்வதற்கான இலவச நுழைவு
- வெற்றியாளர்கள் தங்கள் இணையதளம் மற்றும் சந்தைப்படுத்தல் பொருட்களில் காட்சிப்படுத்தக்கூடிய வகையில் e-சின்னம் மற்றும் சான்றிதழைப் பெறுவார்கள்.
- வணிக உயர்த்துகைக்கான வாய்ப்புகள்.
- உங்கள் இணையதளத்தை உருவாக்குவதற்கான கடின உழைப்புக்குப் பின்னால் உள்ள குழுவிற்கு அங்கீகாரம் வழங்க முடியும்.
- வெற்றிபெறும் இணையதளங்களை முன்னிலைப்படுத்தும் இணைப்புடன் வெற்றியாளர்களின் இணையதளங்கள் TopWeb.LK இணையதளத்தில் இடம்பெறும்.
TopWeb.LK
க்கு யார் விண்ணப்பிக்கலாம்?
இவ் விருதானது .lk டொமைனின் கீழ் பதிவுசெய்யப்பட்ட அனைத்து இணையத்தளங்களுக்கும் திறந்திருக்கும்.
உங்கள் இணையதளம் தகுதி பெறுவதற்க்கான அளவுகோல்களுடன் இணங்குகிறதா என்பதைச் சரிபார்க்க விதிமுறைகள் மற்றும் நிபந்தனைகளைப் பார்க்கவும்.
சின்னம் ஒரு வருடத்திற்கு செல்லுபடியாகும் என்பதினால் கடந்த 12 மாதங்களில் TopWeb.LK விருதை வென்றவர்கள் மீண்டும் விண்ணப்பிக்கத் தேவையில்லை. இருப்பினும், மீள்மதிப்பீட்டுக்கு தேவையான குறிப்பிடத்தக்க மாற்றங்களை உங்கள் இணையதளத்தில் செய்தால், அதே வருடத்திற்குள் மீண்டும் விண்ணப்பிக்கலாம்.
TopWeb.LK
க்கு எப்படி விண்ணப்பிப்பது?
ஒரு டொமைனுக்கு விண்ணப்பக் கட்டணம் LKR 6,000 (VAT உட்பட) வசூலிக்கப்படும். விண்ணப்பத்தில் கோரப்பட்டுள்ள விபரங்களைப் பூர்த்தி செய்த பின்பே விண்ணப்பக் கட்டணம் செலுத்தப்படல் வேண்டும். கட்டணத்தை கார்ட் மூலமாகவும் (விசா கார்ட் மற்றும் மாஸ்டர் கார்ட்), சம்பத் விஷ்வா, eZ Cash என்பன மூலமாகவும் செலுத்த முடியும்.
பதிவுகள் TopWeb.LK மூலம் மெற்கொள்ளப்படல் வேண்டும். gov.lk, ac.lk அல்லது sch.lk போன்ற தளங்கள் இணையத்தளப் போட்டிக்கு விண்ணப்பிக்கும் பட்சத்தில், போட்டியில் பங்கேற்பதற்கான ஒப்பந்தமாக, திணைக்களத் தலைவர், நிறுவனத் தலைவர் அல்லது பாடசாலை அதிபர் ஆகியோரால் அங்கீகரிக்கப்பட்ட விருப்பக் கடிதம் தேவை. இது மிக அவசியம் என்பதோடு, விண்ணப்பப் படிவத்தை பூர்த்தி செய்து பதிவேற்றம் செய்யப்பட வேண்டும் [மாதிரி ஒப்புதல் கடிதத்தைப் பதிவிறக்கவும்]. LK டொமைன் பதிவக நிர்வாகம் தேவைப்பட்டால் மேலதிக தகவலைக் கோருவதற்கான உரிமையைக் கொண்டுள்ளது மற்றும் கொடுக்கப்பட்ட காலத்திற்குள் தகவல்களை அனுப்ப தவறினால், உள்ளீடுகள் மதிப்பீடு செய்யப்படமாட்டாது.
TopWeb.LK Awards
வெற்றியாளர்கள்
Testimonials
டேமியன் பொன்வீர
LK டொமைன் பதிவகத்திலிருந்து Topweb.LK விருதைப் பெறுவதில் நாங்கள் பெருமை கொள்கிறோம். இந்த அங்கீகாரம் நம்பகமான, தடையற்ற நிகழ்நிலை அனுபவத்தை வழங்குவதற்கான எங்கள் உறுதிப்பாட்டை வலுப்படுத்துகிறது. எங்கள் வாடிக்கையாளர்களுக்கு தொடர்ந்து மேம்படுத்தவும் சிறந்த சேவையை வழங்கவும் மதிப்பீட்டு அளவுகோல்கள் விலைமதிப்பற்றவை.
Roshana Mallawaarachchi – ரோஷன மல்லவாராச்சி
“TopWeb.lk இல் வெற்றி பெற்றதில் மகிழ்ச்சி! எங்கள் Taghartt E-commerce இணையதளத்தை அங்கீகரித்தமைக்காக அந்தக் குழுவிற்கு எமது மிகப்பெரும் நன்றி. இது வித்தியாசமான இணைய அனுபவங்களை உருவாக்கிக் கொள்வதற்கான ஆர்வத்தை எங்களில் தூண்டுகிறது."
Newton Raj – நியூட்டன் ராஜ்
"LKCareers.lk ஆனது TopWeb.LK டிசம்பர் 2024 வெற்றியாளராக அறிவிக்கப்பட்டுள்ளது என்பதை பகிர்ந்து கொள்வதில் நாங்கள் மகிழ்ச்சியடைகிறோம்! புதுமையான டிஜிட்டல் தீர்வுகள் மூலம் வேலை தேடுபவர்கள் மற்றும் முதலாளிகளை மேம்படுத்துவதற்கான எங்கள் அர்ப்பணிப்பை இந்த சாதனை அடிக்கோடிட்டுக் காட்டுகிறது. இந்த அபாரமான மரியாதைக்காக TopWeb.LK இன் ஏற்பாட்டுக் குழு மற்றும் நடுவர்களுக்கு எங்களது மனமார்ந்த நன்றிகளை தெரிவித்துக் கொள்கிறோம். உங்களது அங்கீகாரம் இலங்கையில் ஆன்லைன் தொழில் சேவைகளின் எதிர்காலத்தை தொடர்ந்து வடிவமைக்க எங்களுக்கு ஊக்கமளிக்கிறது. எங்கள் பயணத்தின் ஒரு பகுதியாக இருப்பதற்கு நன்றி!"
Naushad Ameer – நௌஷாத் அமீர்
"எங்கள் உயர்வுக்கும் வாடிக்கையாளர் திருப்திக்குமான எங்கள் அர்ப்பணிப்பை மீண்டும் உறுதிப்படுத்தும் TopWeb.LK விருதுகளில் இருந்து மதிப்புமிகு விருதைப் பெறுவதில் நாங்கள் பெருமை கொள்கிறோம். இந்த அங்கீகாரம் எங்கள் தயாரிப்பின் நம்பகத்தன்மையை அதிகரிப்பதுடன் வாடிக்கையாளர்களுக்கு எங்கள் நம்பகமான மற்றும் பெறுமதிவாய்ந்த சேவைகளை உறுதிப்படுத்துகிறது. எங்கள் முயற்சிகளில் முழுமையான மதிப்பீடடையும் ஒப்புகையையும் வழங்கியமைக்காக TopWeb.LK விருதுகளுக்கு எங்கள் மனமார்ந்த நன்றிகளை நாங்கள் தெரிவித்துக்கொள்கிறோம். இந்த சிறப்பு வாய்ந்த நன்மதிப்பானது, வித்தியாசமான மற்றும் ஒரு சிறப்பான ஒன்லைன் அனுபவத்தைத் தொடர்ந்து வழங்குவதற்கும் இந்த விருதின் மூலம் தரம் மற்றும் புதுமைகளின் மிக உயர்ந்த தரத்தை நிலைநிறுத்துவதற்கும் எங்களை ஊக்குவிக்கின்றது. இந்த விருதின் மூலம் வாடிக்கையாளர்களின் எதிர்பார்ப்புகளை அதிகரிப்பதற்கும், உயர்தர சேவைகளின் நம்பகமான வழங்குநராக எங்கள் நிலையை உறுதிப்படுத்துவதற்கும் நாங்கள் உந்துதல் பெற்றுள்ளோம். சிறப்பான சேவைகளை வழங்குவதில் நாங்கள் அர்ப்பணிப்புடன் செயற்படுகின்றோம். அத்துடன் எங்கள் துறையில் தொடர்ந்து வளர்ச்சியையும் வெற்றியையும் எதிர்பார்க்கிறோம்."
Manthrige Anjallo Ranil Srimal – மந்த்ரிகே அஞ்சல்லோ ரணில் ஸ்ரீமால்
"TopWeb.LK மே 2024 இன் வெற்றியாளர்கள் MARS CREATIONS க்கு வழங்கப்பட்டுள்ளனர் என்பதை தெரிவிப்பதில் நாங்கள் மகிழ்ச்சியடைகிறோம்". இந்த சிறந்த சாதனையானது, டிஜிட்டல் மேன்மைக்கான உங்களின் நேர்மையான பாதையில் எங்களின் தொடர்ச்சியான அர்ப்பணிப்பை வெளிப்படுத்துகிறது! கிராபிக்ஸ், இணையதளம், லோகோ தயாரிப்பு மற்றும் வீடியோ உருவாக்க தொழில்நுட்பம் என்பவை எங்கள் வாடிக்கையாளர்களுக்கான சிறந்த தொழில்முறை தீர்வுகள் என்று நாங்கள் எப்போதும் நினைத்துக் கொண்டோம். ஏனெனில் எங்களிடம் தேசிய மற்றும் சர்வதேச தொழில்சார் அனுபவம் உள்ளது. எனவே, எங்கள் வலைத்தளமானது புதுமையான டிஜிட்டல் தொழில்நுட்பம், பயனர் நட்பு வடிவமைப்பு என்பவற்றிலும் மற்றும் எங்கள் வாடிக்கையாளர்களுக்காக உடனிருத்தலிலும் மேலும் வளர்ச்சியை நோக்கிய அர்ப்பணிப்பிலும் சிறந்த எடுத்துக்காட்டாக விளங்குகின்றது. சுயாதீன நடுவர்கள் குழுவிடமிருந்தான தீர்ப்பு இந்த சாதனையின் நம்பகத்தன்மையை அதிகரிக்கிறது என்று நாங்கள் நம்புகிறோம். இறுதியாக, TopWeb.LK இன் ஏற்பாட்டுக் குழு மற்றும் நடுவர்களுக்கு நாங்கள் எங்களது மனமார்ந்த நன்றியை தெரிவிக்க விரும்புகிறோம்! எங்களின் வெற்றியை சாத்தியமாக்க உதவியமைக்காக நாங்கள் உங்களை பாராட்டுகிறோம்."
Kanchana Bandara Godapola – காஞ்சன பண்டார கொடபொல
“TopWeb.LK இன் மதிப்புமிக்க அங்கீகாரத்திற்காக நன்றி, inscript.lk! இந்த ஒன்லைன் விருதை வென்றது எங்களுக்கு ஒரு பெரிய சாதனையாகக் காணப்படுகின்றது. இப்போட்டியில் பங்கேற்பது பெருமதிப்புமிக்க ஒரு அனுபவமாக இருந்தது அத்துடன் எங்கள் வலைத்தளத்தை காட்சிப்படுத்த எங்களுக்கு சந்தர்ப்பமளித்த இந்த தளத்தை நாங்கள் பாராட்டுகிறோம். இந்த அங்கீகாரம் ஒன்லைன் சமூகத்தின் மீதான எங்கள் நம்பிக்கைக்கு ஒரு சான்றாகும், மேலும் தெரிவுநிலை உயர்த்தப்பட்டுள்ளது. இந்த மதிப்புமிக்க விருதுகள் திட்டத்தில் பங்குபெற மற்றவர்களையும் நாங்கள் பரிந்துரைக்கிறோம். இது ஒரு உற்சாகமான பயணமாக உள்ளது, மேலும் இதன் மூலம் கிடைக்கும் எதிர்கால வாய்ப்புகளையும் நாங்கள் எதிர்பார்க்கின்றோம்."
Jagath Semasinghe – ஜகத் சேமசிங்க
"இந்த மதிப்புமிக்க அங்கீகாரத்தை வழங்கியமைக்காக எனது நன்றியைத் தெரிவித்துக் கொள்கிறேன். எங்களது முயற்சிகளை TopWeb அங்கீகரித்திருப்பது உண்மையில் எங்கள் குழுவிற்குக் கிடைத்த பெருமையாகும், மேலும் இந்தச் சாதனையை எங்கள் பார்வையாளர்களுக்குக் காண்பிக்க நாங்கள் ஆர்வமாக உள்ளோம். எங்களது இணையதளத்தில் இந்தச் சான்றிதழ் ஒரு சிறப்பு இடத்தைப் பிடிப்பதோடு இணையதளம் சிறந்து விளங்குவதற்கான எங்கள் அர்ப்பணிப்புக்கு ஒரு சான்றாகவும் விளங்கும்."
Hashan Perera – ஹஷன் பெரேரா
"TopWeb.LK என்ற போட்டியை ஏற்பாடு செய்ததற்காக TopWeb-க்கு எனது மனமார்ந்த நன்றியைத் தெரிவித்துக் கொள்கிறேன். இந்த நிகழ்வில் பங்கேற்பது உண்மையிலேயே பெறுமதிவாய்ந்த அனுபவமாக இருந்தது, மேலும் இந்த விருதைப் பெற்றதற்காக நாங்கள் மிகவும் பெருமைப்படுகிறோம். போட்டியை ஒழுங்கமைத்து ஊக்குவிப்பதில் எடுக்கப்பட்ட முயற்சி பாராட்டுக்குரியது, மேலும் எங்களது கடின உழைப்பை அங்கீகரித்ததற்காக எமது நன்றியைத் தெரிவித்துக் கொள்கிறோம். திறமையைக் கொண்டாடுவதும் மற்றும் படைப்பாற்றலை ஊக்குவிப்பதுமான தளத்தை வழங்கியதற்காக்க TopWeb க்கு நன்றி.”
Gihara Gunawardhana – கிஹார குணவர்தன
"சிறந்த இணையதள போட்டி செயல்முறையானது நன்கு ஒழுங்கமைக்கப்பட்டதும் தொழில்முறை சார்ந்ததுமாகும். நடுவர்களின் கருத்து மதிப்புமிக்கதும் அறிவுத்திறன் மிக்கதுமாகும். மேலும் இது எங்கள் வலைத்தளம் சார் உத்தியைச் செம்மைப்படுத்த உதவியது. TopWeb போட்டியில் பங்கேற்றது எங்கள் குழுவிற்கு சிறந்த கற்றல் அனுபவமாக இருந்தது. இது எங்களை ஆக்கப்பூர்வமாக சிந்திக்கவும், எங்கள் இணையதளத்தின் ஒட்டுமொத்த வடிவமைப்பு மற்றும் செயல்பாட்டை மேம்படுத்தவும் தூண்டியது."
Firnaz Mohammed – ஃபிர்னாஸ் முகமது
"மே 2024க்கான TopWeb.lk விருது Wish.lk க்கு வழங்கப்பட்டுள்ளது என்பதை தெரிவிப்பதில் நாங்கள் மிகவும் பெருமையடைகிறோம். இந்த பெறுமதிமிக்க அங்கீகாரம், எங்களின் மதிப்புமிக்க பயனர்களுக்கு உயர்தர சேவைகளை வழங்குவதிலும் உயர்வுகள் மற்றும் புதுமைகளை அடைவதிலும் நமது அர்ப்பணிப்பை பிரதிபலிக்கிறது. இந்த மைல்கல்லை எட்டுவதற்கு எங்கள் குழுவின் அர்ப்பணிப்பும் கடின உழைப்பும் உறுதுணையாக அமைகின்றன. எங்கள் விசுவாசமான வாடிக்கையாளர்கள் மற்றும் முழு Wish.lk சமூகத்தின் தொடர்ச்சியான ஆதரவிற்காக நாங்கள் எங்கள் மனமார்ந்த நன்றியைத் தெரிவித்துக் கொள்கிறோம். இந்த விருது, புதிய விடயங்களில் உயர் நிலையை எட்டுவதற்கும், தொழில்துறையில் தொடர்ந்து சிறந்த நிலையை பேணுவதற்கும் ஊக்கமளிக்கிறது. இந்த சிறப்புமிகு அங்கீகாரத்திற்காக TopWeb.lk க்கு எமது நன்றிகள்!”
Dr. Ruwan Wathugala – வைத்தியர் ருவன் வத்துகல (MBBS கொழும்பு)
"Royal Cashew சார்பாக, ஜனவரி 2025க்கான TopWeb.LK விருதைப் பெறுவதில் நான் பெருமையடைகிறேன். பாதுகாப்பான, உயர் செயல்திறன் மற்றும் பயனரை மையமாகக் கொண்ட டிஜிட்டல் அனுபவத்தை வழங்குவதில் எங்களின் அசைக்க முடியாத அர்ப்பணிப்புக்கு இந்த அங்கீகாரம் ஒரு சான்றாகும். பாதுகாப்பு, செயல்திறன், தொழில்நுட்ப சிறப்பம்சம், வடிவமைப்பு மற்றும் உள்ளடக்கத் தரம் போன்ற முக்கிய அம்சங்களை மதிப்பிடும் விரிவான மதிப்பீட்டு செயல்முறை, எங்கள் இணையதளத்தை மேலும் மேம்படுத்துவதற்கு விலைமதிப்பற்ற நுண்ணறிவுகளை எங்களுக்கு வழங்கியது. கட்டமைக்கப்பட்ட பின்னூட்டம் மற்றும் நிபுணர்களின் வழிகாட்டுதல், நமது டிஜிட்டல் இருப்பு உலகளாவிய சிறந்த நடைமுறைகளுடன் ஒத்துப்போவதை உறுதி செய்வதில் முக்கியப் பங்கு வகிக்கிறது. இந்தச் சாதனை எங்கள் பிராண்டின் நம்பகத்தன்மையை வலுப்படுத்துவது மட்டுமல்லாமல், சிறந்து விளங்குவதற்கான எங்கள் அர்ப்பணிப்பில் வாடிக்கையாளர் நம்பிக்கையை வலுப்படுத்துகிறது. இந்த முன்முயற்சியின் மூலம் புதுமைகளை வளர்ப்பதற்கும், தொழில் அளவுகோல்களை அமைப்பதற்கும் LK டொமைன் ரெஜிஸ்ட்ரியை நாங்கள் பாராட்டுகிறோம். டிஜிட்டல் மாற்றத்தை நோக்கிய எங்கள் பயணத்தைத் தொடரும்போது, BestWeb.LK 2025 இல் பங்கேற்கவும், எங்கள் மதிப்புமிக்க வாடிக்கையாளர்களுக்கு சிறந்த அனுபவத்தை வழங்க எங்கள் ஆன்லைன் தளத்தை மேலும் மேம்படுத்தவும் நாங்கள் எதிர்நோக்குகிறோம்."
Abuthali Mohamed Rilwan – அபுதாலி முகமது றில்வான்
"Topweb.lk விருதானது இணையத்தளத்தை மிகவும் கவர்ச்சிகரமானதாகவும், இறுதிப் பயனருக்கு பயனுள்ளதாகவும் மாற்ற இணையத்தள உரிமையாளரை/விருத்தியாளரை ஊக்குவிக்கிறது. எங்கள் இணையதளங்களுக்கும் அதன் மதிப்பிற்குரிய விருத்தியாளர்களுக்கும் தொடர்ந்து ஆதரவளிக்கவும்."
BestWeb.LK 2025 போட்டியில் பங்கேற்பதற்கு TopWeb.LK சின்னம் அவசியமாகும்
BestWeb.LK என்பது ஒவ்வொரு ஆண்டும் சிறந்த “.LK” இணையதளங்களை அங்கீகரிப்பதை நோக்கமாகக் கொண்ட ஒரு வருடாந்த போட்டியாகும், அதே சமயம் TopWeb.LK என்பது இணையத்தள தரங்களை உயர்த்துவதற்கான LK டொமைன் ரெஜிஸ்ட்ரியின் மாதாந்த முயற்சியாகும். இரண்டும் “.LK” இணையதளங்களின் தரத்தை மேம்படுத்துவதற்கு முயற்சி செய்கின்றன.
2025க்கான BestWeb.LK போட்டியில் பங்கேற்பதற்கு, இணையதளங்கள் முதலில் TopWeb.LK சின்னத்தை பாதுகாக்க வேண்டும். மாதாந்த TopWeb.LK செயல்முறையின் மூலம் மதிப்பிடப்பட்டதற்கிணங்க தரத்தில் உயர்ந்த நிலையை அடைந்துகொள்ளும் இணையத் தளங்கள் மட்டுமே வருடாந்த BestWeb.LK விருதுகளுக்குத் தகுதியானவையாகக் கொள்ளப்படுகின்றது. TopWeb.LK சின்னமானது இணையத்தளம் சிறந்து விளங்குவதற்கான உங்கள் அர்ப்பணிப்பை எடுத்துக்காட்டுவதுடன், மேலும் இந்த சின்னத்தை அடைவது BestWeb.LK போட்டியில் உங்கள் இணையதளத்தின் வாய்ப்புகளை மேம்படுத்துவதாகவும் காணப்படுகின்றது.
